CANÇON DE L'ARANHA

L’ARANHA dau calabrun
calabrun e calabruna,
cala au vèspre son filat,
pèr prene lo clar de luna.
Fa de tela
son estèla
e crèi que ne paliràn
las ensenhas dau cèu grand.
E l’aranha dau matin
son jorn n’es entristesit,
quand au luòc de clar de luna,
vèi cambiat son bèl filat
en fin mocador brodat,
onte l’auba, una per una,
culhiguèt, passant lo puòg,
las lagremas de la nuòch.
E l’aranha au calabrun,
calabrun e calabruna,
tòrna calar son filat
per prene lo clar de luna.